కనుకొనల్లో
నిలచిన కన్నీటి చుక్కకు
ఎంత ఆశనో ...
నీ చేతుల్లోనే రాలాలని
వేచి ఉంది
ఆవిరి అవుతూ...
******
నీ వెన్నెల
గదిలో బంధించుకొన్నాను ...
వెన్నెల.. వెతుక్కుంటూ వచ్చింది
చీలిన తలుపు సందు నుండి పలకరిస్తూ
నాకోసం ... దూర దూరాలు వెతుకుతుంది
అచ్చంగా నీలాగే ...
ఓయ్...ఏమంటావ్
*******
యుగాలు మారితే ఏం
కాలం నాతో ఆగిపోయింది
నువ్వు వచ్చేవరకు
వేచి ఉందామని ...
యుగాలు మారితే ఏం
వచ్చేది నువ్వయినప్పుడు
*****
అతని మీద అలవి కాని కోపం వచ్చింది
నా మనసును అతనింటి కొక్కానికి తగిలించొచ్చాను
అతను చూశాడో లేదో
మదిలో ఆరాటం మొదలయ్యింది
మనసు నాదే... నొప్పి అతనిది
కర్కశ హృదయురాలినే అపుడపుడు